بخصوص فكرة انشاء هذا المنتدى هام جدا

بسم اللة الرحمن الرحيم

السلام عليكم ورحمة اللة وبركاتة

اعضاء وزوار منتدى كلية الحقوق جامعة بنى سويف

اكيد فى اسئلة كتيرة اوى بخصوص المنتدى

والى جاتلى فى رسائل خاصة كتير

وايضا جالى ايميلات كتير من ناس كتير

كلهم بستفسروا عن المنتدى وهو معمول لية ولية فاضى ومفهوش مواضيع واية لزمتة

وغير كدة من اسئلة كتيرة اوى

المهم انا هشرح ليكم لية المنتدى دة انا عملتوا وصممتوا ولية اصلا شاغل بالى بجامعة بنى سويف ولا حقوق من اصلة

ما عنى انا فى اخر سنة لية فى الجامعة كلها

وفيما يلى افكارى واسبابى لانشاء المنتدى

اولا : لازم الكل يعرف ان المنتدى مش فكرتى ومكنش فى بالى اصلا من الاول ولكن فى دكتور فى كلية الحقوق ومش هقول اسمة لما عرف انى افهم فى تصميم المواقع والمنتديات طلب منى ان انشئ منتدى خاص بجامعة بنى سويف وعلى فكرة الموقع فى الاول كان اسمة موقع جامعة بنى سويف مش كلية الحقوق المهم طلب منى انشاء الموقع وطبعا قمت بانشاء الموقع وكبرت الفكرة فى دماغى وقمت بانشاء المنتدى اولا ثم البوابة وبعدين اما فكرت فى انى مش هقدر على الجامعة كلها لوحدى

فقلت للدكتور انى مش هقدر ادير دة كلة من غير مساعدين فقالى خلاص خلية منتى لكية الحقوق بس ودى سهلة شوية بس بردو فكرة المنتدى موضحتش ولسة المنتدى ملوش لزمة

ثانيا :النتائج

ودى هى الفكرة الاساسية للمنتدى لان لوحظ النة الى فاتت ان هناك طلاب لم يتمكنوا من الحضور للجامعة علشان يعرفوا النتائج بتاعتهم

روحت للدكتور وقلت علشان المنتدى ينجح لازم حجاة تشد الطلبة لية غير الامور الترفيهية زى الافلام وغيرها

واقترحت علة ان اقوم برفع نتائج الفرق الاربعة بتاعت كلية الحقوق فقط بمساعدة منة طبعا ووافق

بس الموضوع دة كان صعب لان النتائج كلها مش ممكن تخرج لطالب غير كمان ان النتائج ممتنزلش على الكمبيوتر الا بعد شهريين على الاقل من ظهور النتيجة

الاسبوع الى فات روحت للدكتور ودخلنا لدكتور اسامة قايد عميد الكلية واقترحت علية الموضوع كلة وبصراحة الدكتور اسامة عجبتة الفكرة والموضوع كلة وكمان وافق على موضوع النتائج على ان اقوم بتصوير النتائج بواسطة اسكنر وهرفعها عن طريق الكمبيوتر بس كان لازن اخذ رائ دكتور صفوت البهنساوى رئيس الكنترول وبالفعل روحت لدكتور صفوت وشرحت الموضوع كلة وافق بس قالى بعد النتائج ما تتعلق كلها ممكن تصور النتائج وترفعها على الموقع براحتك يعنى بعد النتائج كلها ما تتعلق هبيقى هرفع النتائج طبعا بعد ما اصورها

ثالثا :تقريبا كل كليات الجامعات الاخرى فى اهتمام رائع بانشاء مواقع باسم الكلية ودة طبعا بيبقى تحضر ونظام

لان بانشاء نظام مواقع الكليات هتتحل منشكلة توهان الطلاب لان كل شئ فى الموقع سيكون مؤكد

رابعا :الموقع والمنتدى سيكون فى المقام الاول مهتم بكلية الحقوق فقط ثم الاهتمام بالكليات الاخرى التابعة لجامعة بنى سويف

ولن يكون هناك اى قسم ترفيهى بالفلام والاغانى الا فى اجازة اخر العام وسوف يتم فتح اقسام لهذة المواضيع

خامسا :المنتدى اكيد هيطور اكتر من كدة بس انشاء اللة بعد ما يزيد عدد الاعضاء شوية وعلى فكرة المنتدى مكملش اكتر من شهريين فقط وفية حوالى 25 عضو ودى حاجة كويسة اوى

وشكرا ليك اخى سواء كنت عضوا ام زائرا

للتواصل والاقتراحات والاستفسارات يرجى مراسلتى على هذا الايميل

kimo_yahya29@yahoo.com

تحياتى لكم

كريم يحيي