والله مش جباااااااااان؟

والله مش جباااااااااان؟








كل بنى آدم طبيعي اكيد بيخاف من اى حاجه صغيره او كبيره..

اللى متجوزه او مخطوبه لواحد..تفكر معايا.. واللى ربنا يسهلها ويرزقها عن قريب إن شاء الله برضه تتخيل معايا

يجلها خطبها ويقولها : اقولك سر بس متضحكيش؟؟ ااانا ساعات بخاف اوى!!!!

بس..وعليها كركركركر هاهاهاها هسهسهس..بحاول ابطل ضحك بس سورى مش قادرة!!

واخر الليل ماااااااما ألحقينى ده مش راجل..ده جبان..هو انا هسند عليه ولا هواللى هيتعكز عليا؟!

-يا بابابابابابا..مخدوش يا بابا..مخدوش يا بابا

-طب اهدي يا بنتي..طب ايه اللي حصل؟
-اصله بيخاف!!

-من ايه يا بنتي؟؟

-مممعرفش ..مش مهم المهم انى عاوزه اتجوز راجل زى..الرجالة اللي معانا فى الكليه!!.

تعالى نفكر سوا مع بعض..

اول حاجه: صاحبنا اللي فى الكليه ده مش ممكن ابدا هيكون قدامكوا على حقيقه

ولو هو طبيعي يبقى اكيد بيخاف لكن عامل فيها شجيع السيما..تصقيفه امال ميصحش...

الحاجه التانيه: فكرى كده شويه انت مبتخافيش خااالص ؟؟

-اممممممممم امم

الحقيقة


طبعا بخاف بس انا بنت من حقى اخاف لكن هوه ..لألألأ

طيب تسمعيني لو عجبك كلامي ماشي اما لو ارمى كلامى من الشباك بس براحه..


مش كائنات اخرى


الراجل ده بني آدم زينا؟؟ .. ليه بننتظر منهم الحب؟! بنقبل منهم الغيرة وغيرها من المشاعر والاحاسيس؟؟ ونرفض..الخوف رغم ان الخوف احسن كتير من النرفزه والضرر على الاقل اهو عليه هو.. ليه متفكريش تساعديه ؟!

الخوف شعور طبيعى ميعبش حد اما لو زاد لدرجه المرض (الفوبيا)مش اللوبيا ..

بتخاف من اييييه؟


من النمل؟؟ من الحشرات؟؟ الاسانسير الاماكن العاليه؟؟ الاماكن الضيقه؟؟ الخوف من اللي جاى كله او جزء منه واللى بنقول عليه فوبيا المستقبل؟؟

الفوبيا انواع كتيره ربنا يزيد ويبارك خلينا نشتغل بقى..لا طبعا ربنا يعافيكوا جميعا- لكن لازم نعرف ان الفوبيا ديه لحد دلوقتى ولا بعد كده هتكون محدوده او معروفه هيه الخوف من اى حاجه بس لازم يكون الخوف ده بيعيق عن الحياه العاديه ومش بيخليك تقدر تتجاوزه..أو حتى تطنشه وتعمل فيها عبده ....الكويس مش قصدى حاجه خااااااالص

المهم اللي بيخاف زى ما اتفقنا لدرجه كبيره اوى اوى من الحشرات مثلا تبقى فوبيا الحشرات وزيها تمام ..الاماكن العاليه.. والاماكن الضيقه ودول اشهر انواع الفوبيات وفوبيا المستشفيات ..والاطباء ..وفوبيا الدم والنار..والماء والبحر فوبيا المستقبل وهى الخوف من اى حاجه لسه هتحصل وممكن متكنش هتحصل اصلا فوبيا المرض

وده من ايه ان شاء الله ؟


له اسباب كتيره اهمها ان يحصله حادثه تخليه يصدم فتتخزن فى اللا شعور او ان حد من اهله ابوه امه اى حد قريب منه يكون بيخاف من حاجه معينه فيخاف منها وتفضل معاه مده لحد ما يتعالج

طب وبعدين ؟


علاجه سهل خااالص والله بس محتاج مساعده من طبيب نفسي و يكون عندنا اراده جامده طحن - على فكره ده بييجى للرجاله و الستات لكن هنا بنبص للفوبيا او الخوف عند الراجل كأنها عيب فيه او انه جبان –

لكن العيب اللي بجد عند الراجل او البنتانه يكابر وميلقطش معانا انه محتاج لمساعده نفسيه عشان الخوف المرضى ده عشان يحافظ على حياته وعلى عياله من بعديه

كل ده...بفرض ان الاصل فى الخطوبه والجواز الصدق والصراحه ولا ايه؟!

وفى الاخر شكرا سياده العروسه اللي اتخطبت والف مبروك وربنا يسعدكوا وميجبش الخوف نحيتكوا